Yangiliklar

«Yagona integratori UZINFOCOM» MChJ DataCenter tarmoq infratuzilmasida 2026-yil 30-may kuni soat 23:00 dan 23:59 ga qadar rejalashtirilgan texnik ishlar olib borilishi haqida ma’lum qiladi.

Mazkur texnik ishlar tarmoq infratuzilmasini modernizatsiya qilish, tarmoq qurilmalarini yangilash hamda eskirgan uskunalarni foydalanishdan chiqarish orqali xizmatlar barqarorligi va ishonchliligini oshirish maqsadida amalga oshiriladi.

Texnik ishlar davomida ayrim axborot tizimlari va servislar faoliyatida qisqa muddatli uzilishlar yoki sekinlashishlar kuzatilishi mumkin.

Barcha ishlar xizmatlar uzluksizligini ta’minlash va foydalanuvchilar uchun noqulayliklarni minimal darajaga tushirishni inobatga olgan holda tashkil etilgan.

Keltirilishi mumkin bo‘lgan vaqtinchalik noqulayliklar uchun uzr so‘raymiz hamda tushunganingiz uchun minnatdorlik bildiramiz

Texnik nosozliklar sababli avariya-tiklash ishlari olib borilmoqda.

Nosozlik sabablarini tezkor bartaraf etish uchun barcha zarur choralar ko‘rilmoqda.

Ishlar yakunlangani va tizim odatiy rejimda ishlashi tiklangani haqida qo‘shimcha xabar beriladi.

Ma’lum qilamizki, hozirgi vaqtda korporativ elektron pochta serverida reglament asosidagi texnik ishlar olib borilmoqda.

Mazkur davrda xizmat faoliyatida vaqtinchalik o‘ziga xos holatlar kuzatilishi mumkin. Elektron pochta faoliyati qisqa muddatda odatiy tartibda amalga oshiriladi.

“Yagona integrator UZINFOCOM” MChJ DataCenter UZINFOCOM elektr ta’minoti tizimida rejali profilaktika-diagnostika ishlari o‘tkazilishini ma’lum qiladi.

Ishlarning Maqsadi va O‘tkazilish Muddati

Ushbu chora-tadbirlar qish mavsumiga tayyorgarlik ko‘rish, tizimlarning ishonchli ishlashini ta’minlash hamda elektr ta’minotida yuzaga kelishi mumkin bo‘lgan nosozliklar va favqulodda holatlarni oldini olish uchun juda muhimdir.

Ishlarni boshlanishi: 23:00 (Toshkent), 2025 yil 29-noyabr (shanba)

Ishlarni yakunlanishi: 05:00 (Toshkent), 2025 yil 30-noyabr (yakshanba)

Bajariladigan Ishlar Tavsifi

Profilaktik ishlar elektr ta’minotining asosiy tarkibiy qismlarini kompleks tekshirishga qaratilgan: shahar elektr tarmoqlari, uzluksiz elektr ta’minoti manbalari (UPS), dizel-generator uskunalari va avtomatik rezerv ulanish tizimi (AVR).

Belgilangan vaqt oralig‘ida quyidagi asosiy ishlar amalga oshiriladi:

Yuklama taqsimoti: Uch fazali elektr tarmoqlarida yuklamani mutanosib taqsimlash.

Rezerv ta’minotga ulash: Server va tarmoq qurilmalarining rezerv quvvat bloklarini yangi avlod UPS tizimiga ulash.

Ulanishlarni mustahkamlash: Yuqori kuchlanishli kabel ulanishlarini tekshirish va mustahkamlash.

Servislar Ishiga Ta’siri

Muhimi shundaki: yuqoridagi ishlar DataCenter UZINFOCOM faoliyati va ko‘rsatiladigan servislarni to‘xtatmasdan amalga oshiriladi. Barcha tadbirlar xizmatlarning uzluksizligini ta’minlash maqsadida rejalashtirilgan.

UZINFOCOM infratuzilmasi ishonchli va barqaror ishlashini ta’minlash uchun barcha zarur choralar ko‘rilmoqda.

Tushunishingiz uchun rahmat.

Hurmatli mijozlar!

“Yagona integrator UZINFOCOM” MChJ Sizga hamkorlik va ishonchingiz uchun minnatdorchilik bildirgan holda Datamarkazda uskunalarni joylashtirish (co-location) xizmatlari bo‘yicha tariflarga o‘zgartirishlar kiritilayotganini ma’lum qiladi.

Xizmatlar sifati va uzluksizligini ta’minlash, shuningdek texnik va ekspluatatsiya xarajatlarni oshishi munosabati bilan  2025-yilning 1-avgustidan boshlab quyidagi tariflar joriy etiladi:

- 1U o‘lchamdagi uskunani joylashtirish — oyiga 550 000 so‘m.

- Qo‘shimcha tarmoq portiga ulanish (100 Mbit/s) — oyiga 150 000 so‘m

- Elektr tarmog‘iga ulanish — oyiga 100 000 so‘mgacha

- Uskunani montaj qilish — 1U uchun 95 000 so‘m (bir martalik to‘lov)

Yaqin kunlarda sizning tashkilotingizga amaldagi shartnomalarga yangilangan ta’riflar va shartlarni o‘z ichiga olgan qo‘shimcha kelishuvlar yuboriladi. Hujjatni olganingizdan so‘ng, tanishib chiqing va zarurat tug‘ilganda shartlarni kelishish uchun mas’ul mutaxassis bilan bog‘laning.

Tushunganingiz va hamkorlikni davom ettirishga tayyorligingiz uchun minnatdorchilik bildiramiz.

Hurmat bilan,

“Yagona integrator UZINFOCOM” MChJ

Datamarkaz