“Ягона интегратор UZINFOCOM” МЧЖ DataCenter UZINFOCOM электр таъминоти тизимида режали профилактика-диагностика ишлари ўтказилишини маълум қилади.

Ишларнинг мақсади ва ўтказилиш муддати
Ушбу чора-тадбирлар қиш мавсумига тайёргарлик кўриш, тизимларнинг ишончли ишлашини таъминлаш ҳамда электр таъминотида юзага келиши мумкин бўлган носозликлар ва фавқулодда ҳолатларни олдини олиш учун жуда муҳимдир.
• Ишларни бошланиши: 23:00 (Тошкент), 2025 йил 29 ноябр (шанба)
• Ишларни якунланиши: 05:00 (Тошкент), 2025 йил 30 ноябр (якшанба)

Бажариладиган ишлар тавсифи
Профилактик ишлар электр таъминотининг асосий таркибий қисмларини комплекс текширишга қаратилган: шаҳар электр тармоқлари, узлуксиз электр таъминоти манбалари (UPS), дизел-генератор ускуналари ва автоматик резерв уланиш тизими (АВР).

Белгиланган вақт оралиғида қуйидаги асосий ишлар амалга оширилади:
• Юклама тақсимоти: Уч фазали электр тармоқларида юкламани мутаносиб тақсимлаш.
• Резерв таъминотга улаш: Сервер ва тармоқ қурилмаларининг резерв қувват блокларини янги авлод UPS тизимига улаш.
• Уланишларни мустаҳкамлаш: Юқори кучланишли кабел уланишларини текшириш ва мустаҳкамлаш.

Сервислар ишига таъсири
Муҳими шундаки: юқоридаги ишлар DataCenter UZINFOCOM фаолияти ва кўрсатиладиган сервисларни тўхтатмасдан амалга оширилади. Барча тадбирлар хизматларнинг узлуксизлигини таъминлаш мақсадида режалаштирилган.

UZINFOCOM инфратузилмаси ишончли ва барқарор ишлашини таъминлаш учун барча зарур чоралар кўрилмоқда.
Тушунишингиз учун раҳмат.

Ҳурматли мижозлар!

“Ягона интегратор UZINFOCOM” МЧЖ Сизга ҳамкорлик ва ишончингиз учун миннатдорчилик билдирган ҳолда, Датамарказда ускуналарни жойлаштириш (co-location) хизматлари бўйича тарифларга ўзгартишлар киритилаётганини маълум қилади.

Хизматлар сифати ва узлуксизлигини таъминлаш, шунингдек техник ва эксплуатация харажатларининг ошиши муносабати билан 2025 йил 1 августдан бошлаб қуйидаги тарифлар жорий этилади:

- 1U ўлчамдаги ускунани жойлаштириш — ойига 550 000 сўм
- Қўшимча тармоқ портига уланиш (100 Мбит/с) — ойига 150 000 сўм
- Электр тармоғига уланиш — ойига 100 000 сўмгача
- Ускунани монтаж қилиш — 1U учун 95 000 сўм (бир марталик тўлов)

Яқин кунларда сизнинг ташкилотингизга амалдаги шартномаларга янгиланган тарифлар ва шартларни ўз ичига олган қўшимча келишувлар юборилади. Ҳужжатни олганингиздан сўнг, танишиб чиқишингизни ва зарурат туғилганда шартларни келишиш учун масъул мутахассис билан боғланишингизни сўраймиз.

Тушунишингиз ва ҳамкорликни давом эттиришга тайёрлигингиз учун миннатдорчилик билдирамиз.

Ҳурмат билан,
“Ягона интегратор UZINFOCOM” МЧЖ
Датамарказ

“Ягона интегратор UZINFOCOM” МЧЖ электр таъминоти тизимида режадан ташқари профилактика ва диагностика ишларини ўтказиши ҳақида хабар беради. Бу чора-тадбирлар ҳаво ҳароратининг кескин кўтарилиши, электр таъминотидаги юзага келиши мумкин бўлган носозликлар, шунингдек, жорий йилнинг 17 июнь куни қайд этилган авария ҳолатларининг олдини олиш мақсадида амалга оширилмоқда.

Ишлар 2025 йил 19 июнь куни соат 00:00 дан 02:00 гача ўтказилади.

Ушбу ишлар шаҳар электр узатиш линиялари, узлуксиз электр таъминоти манбалари (УПС) ҳамда дизель-генератор ускунаси ишлаш режимини таъминлаш тизими (АВР) ва унинг компонентларини текширишни ўз ичига олади.

Шуни алоҳида таъкидламоқчимизки, барча ишлар UZINFOCOM фаолиятида тўхталишларга йўл қўймаслик ва хизматларимизнинг узлуксизлигини таъминлаш мақсадида режалаштирилган.

Маълум қиламизки, ҳозирги вақтда ns4 сервери фаолиятида вақтинчалик узилишлар кузатилмоқда.

Мутахассисларимиз муаммони бартараф этиш бўйича ишлар олиб бормоқда.

Тушунчанлигингиз учун раҳмат!

Электр тармоғида юзага келган носозлик сабабли хизмат кўрсатишда вақтинчалик узилишлар кузатилди.

Маълум қиламизки, муаммо муваффақиятли бартараф этилди. Барча хизматлар одатдаги тартибда ишламоқда.

Сабр-тоқат ва тушунчанлигингиз учун раҳмат.
Ҳурмат билан, техник ёрдам жамоангиз.

Веб-хостинг бошқарув панели дастурий таъминотининг техник қўллаб-қувватланиши тўхтатилиши ва ахборот хавфсизлигининг танқидий заифликлари бўйича тузатишларни олиш имкони йўқлиги, шунингдек, Дата-марказ хизматларини модернизация қилиш муносабати билан қуйидаги тариф режалари бўйича "Веб-хостинг" хизмати кўрсатилиши тўхтатилади: M50, M100, M250, M500, M750, G1, G2, G3, G4.

Қуйидаги веб-хостинг серверлари 2025 йил 1 апрелдан иш фаолиятини тўхтатади:

• ns2.uzinfocom.uz

• ns3.uzinfocom.uz

• ns4.uzinfocom.uz

• ns5.uzinfocom.uz

• ns6.uzinfocom.uz

• ns7.uzinfocom.uz

• ns8.uzinfocom.uz

• zn1.uzinfocom.uz